Пры сутыкненні тралейбуса і аўтобуса ў Гродне пацярпелі 4 пасажыры

У Гродне сёння сутыкнуліся тралейбус і аўтобус. Як паведаміў старшы інспектар УДАІ УУС Гродзенскага аблвыканкама Алег Дук, ДТЗ адбылося ў 9 гадзін раніцы на Румлёўскім мосце.

- У сувязі з рэканструкцыяй Старога моста асноўныя транспартныя патокі пераарыентаваны ў тым ліку і на Румлёўскі мост, таму раніцай тут бываюць заторы, - расказаў БелТА інспектар. - Сутыкненне адбылося па віне кіроўцы аўтобуса, які не вытрымаў дыстанцыю руху за тралейбусам.

У момант, калі тралейбус спыніўся, каб прадухіліць сутыкненне з машынай, што ехала наперадзе, ззаду ў яго ўдарыўся аўтобус. Чатыры пасажыры тралейбуса звярнуліся па меддапамогу, пасажыры аўтобуса не пацярпелі. Значныя пашкоджанні атрымала тэхніка.

Цяпер па гэтаму выпадку вядзецца разбор.

Радыё Рацыя,
pahonia.org

Iнтэрнэт-выданне
pahonia.pomedia.by
працягвае традыцыi газет ПАГОНЯ i ДЕНЬ.


Спасылка на pahonia.promedia.by абавязковая.